18-1-08

星期五早上, 搞搞下足足遲左成半個鐘先門口返工, 自己都覺得過份左d, 老豆仲問我 "乜今日咁好可以返晏既?" ....=.=!!! 最終遲到.....

下午開會, 好彩唔多 hk 同事開, 大部分都係大陸, 負責開會講ppt都係國內同事負責, 我地hk呢邊淨係聽同發問....就係咁...聽聽下睇睇下又訓著左, 好彩全部大粒同事無入黎開會! 但好慘, 被坐對面同事影了我嗑眼訓樣, eiei.....佢地對我真好...

晚上, 到九展參加同事carol 的婚宴。第一次去飲hk同事既酒, 喎... d 相影得好靚呀~~~ 好巧合, carol 同佢男朋友都係沙官人黎架, 由中六拍到而家, 好多年喇, 好長情! 而佢男朋友竟然係...劉盛...即係劉鑫哥哥!! 大家有無印象??? 係婚宴上撞番劉鑫, 好搞笑係0係呢d情況下見番, 而我係佢嫂嫂同事, 世界真細小!!! 仲見到李穎瑤同幾個沙官既miss + 阿sir, d miss阿sir都係咁既樣, 好似無老過咁... 勁!!!

司儀勁搞爛gag, 一d 都唔好笑, 佢講一句我地班同事起碼駁三句, 我地班同事真係....... 係咁枯燥

只係去飲, 都搞到好勊咁, 好眼訓....>.<

又成個月先打xanga....無左打xanga習慣....

今個星期返大陸, 悲喜交集, 唉... 有開心事就係去大老細別墅玩, 但第2日又有好不幸既事發生,

好無奈, 好可惜, 好慘, 好可憐, 好傷感, 搞到情緒都大喜大落.

明天還要去同事婚宴, 唉....將"悲"指數要拉番去另一端"樂"...

係大陸勁凍, 又唔夠衫, 凍到痴左線!

13/12 (四) LEO Christmas Party @香格里拉

又到公司既xmas party喇, 今年係尖東既香格里拉搞, 哈...大家仲記唔得記得個時stgss既謝師宴都係呢間搞呢!!~~~

今次食buffet的, 不過d 野食款食好少... 同埋食到一半就被人拉了去影大合影, 之後係咁影係咁影, 無得再食了>.<

抽獎...又唔中喇!

最慘係, d 咳未好番, 仲要飲野, 救命.....!!!

pass左一半

passs左筆試喇, yeah....我有溫書架! 請了annual leave , 上午溫書, 下午考試! 幾日前先請埋上午個半日, 好唔想返工呀>.<

收到結果, 見到路試要係考何文田培正道, 都唔知開心定唔開心好喇 ..聽人講好似難d咁, pass機會低d....終於明白其他人prefer報駕駛學院啦, 考番沙田, 易d啊! 2月22日考喇...

考完去shopping... yeah....買到野!!~~  

周杰倫演唱會 - 08/12/20007 星期六

今早起身, 病情又嚴重左, 甩了bobo底沒去打ball, 要去睇醫生, 等左n咁耐, waste 晒我d時間...好無耐性呀!!

晚上, 去看周杰倫演唱會, yeah...訂左飛咁耐, 終於等到今晚去睇喇, 諗番個早係office打電話訂飛真係打左勁耐, 個早完全做唔到野....>.<

但其實已經病到呆呆地, 頭痛, 唔想講野, 就快出唔到聲.....但點病都要去睇!!!!! 去到紅館附近, 望到紅館, 先發覺... 咦.... 唔見得左帶相機喎! 可唔可以反應快番d呀

三面台設計但開四面台..... 我地坐山頂位, 好彩係近台個邊, 加上jay都成日行過黎台側邊同後邊, 都睇到既, 好過對正台既山頂位!

彈鋼琴自彈自唱, 彈結他, 彈古箏, 好吸引呀!~~

最搞笑係唱 "講不出聲", 唱到好似普通話咁, 哈哈哈...

成場氣氛好好呀, 好睇, 下層既觀眾好興奮同好high呀, 但我地可能坐得太高喇, 有少少影響到! 唉..其實, 我都係第一次睇演唱會係病到無咩出聲, 無發出尖叫聲+歡呼聲既一次, 救命....嗌都嗌唔出, 勁 "藕" 呀, 影響晒我睇concert 情緒!

P.S. Twins做嘉賓, 出場時變左廁所位,,,哈!